Psa 111 | MMX | STEP | Nedik ata emi asu mi Leeme Silok. Anaba tong avukat ti Leeme Silok mi labalak axap kantubu at lovotpot buru at limixin mokmokso ren.

Psalms 111

Leemi Asu ri Leeme Silok

1 Nedik ata emi asu mi Leeme Silok.

Anaba tong avukat ti Leeme Silok mi labalak axap kantubu at lovotpot buru at limixin mokmokso ren. 2 Leven gugu at Leeme Silok i nunuan aleng, la limixin di ven peves teren dim doma solo i. 3 La lempanga neni i lox i, i lox asuusu lisisixam la lolos teren; la loklok mokmokso ren naba nemen lexen.

4 Neni ira lok pam nedik kusu atabam doma amisik mo lempanga nunuan neni ik lox i; Leeme Silok neni ik lox anare ka limixin la i umsu mi lebelemumu ridi. 5 Neni mun im taba leveluxa, tinedi dik lok ngangao ren; la neni im doma amisik lekabus neni ga lok pam i eburu mi limixin teren. 6 Neni ira vaxase vam limixin teren mi lolos at leven gugu ren; la ga raba nedi limixin teren mi laxangka at levenabung mixin petpes.

7 Leven gugu axap at lukngen i nunuan la ik mokso; la mo levelinga axap teren i epovo xusu nedik ata mumu asu i. 8 Mo levelinga ren naba nemen lexen, mila mo levelinga ga la boro at ne Moroa mo i ruturun la ik mokso. 9 Neni xusuk mun laradi loklok asepmus ti limixin teren, la ga vaxaxis aulis mo lekabus teren kusu naba nemen amisik; la laasen mun teren i melemelengan la dira pavanga i. 10 Loklok ti lok ngangao at Leeme Silok, neni lurutu kaxat ti levendomdoma nunuan. La im taba lodoxoma mokmokso rinedi ding tonga res teren.

Leeme asu rin naba nemen amisik la noxo xap.